Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Nəhəng göl yerin altına çəkildi: Peyk nadir hadisəni qeydə aldı
Bir neçə ay əvvəl demək olar ki, bir gecənin içində sirli şəkildə quruyan Kvebekdəki böyük La Ruj gölünün yox olması peyk görüntüləri ilə təsdiqlənib.
Qaynarinfo xəbər verir ki, bu ilin may ayında Kvebekdə yerləşən La Ruj gölünün yaxınlığında yaşayan sakinlər qeyri-adi mənzərə ilə qarşılaşıblar. Gölətrafı yolda torpaq sürüşməsi baş verib və bu da araşdırmaya səbəb olub. Nəticədə məlum olub ki, göl tamamilə quruyub – həm də cəmi bir neçə saat ərzində.
Ekspertlərin olduqca nadir hadisə kimi xarakterizə etdiyi bu fenomen sonradan "Landsat 9” peykindən çəkilmiş şəkillərlə təsdiqlənib. "Daily Galaxy” nəşrinin yazdığına görə, həmin görüntülərdə gölün yerində qəhvəyi rəngli bir çökəklik əks olunub.
Təxminən 1,4 kvadrat kilometr ərazini əhatə edən La Ruj gölünün qəfil yox olması, ekosistemə bağlı olan marallar və nərəkimilər kimi vəhşi heyvanların taleyi ilə bağlı yerli əhalidə ciddi narahatlıq yaradıb.
Aparılmış araşdırmalar göstərib ki, gölün altındakı torpaq çöküb və bu, gözlənilməz bir drenaj yolunun yaranmasına səbəb olub. Geoloji sürüşmə nəticəsində su öz adi axın istiqamətindən geri çəkilərək daha kiçik göllərə və çaylara doğru axmağa başlayıb və sonda təxminən 10 kilometr uzaqlıqda yerləşən Lak Doda gölünə çatıb.
NASA Yer Rəsədxanasının ABŞ Geoloji Xidmətinə məxsus "Landsat 9” peykindən əldə etdiyi görüntülər bu hadisə ilə bağlı ilk dəqiq təsəvvürü yaradıb. Fotolarda gölün tamamilə quruyaraq quru sahəyə çevrildiyi aydın görünür. Hərçənd gölün tam olaraq nə vaxt quruduğu dəqiq bilinmir, alimlər bunun 29 aprel–14 may 2025 tarixləri arasında baş verdiyini ehtimal edirlər.
Alimlər bildirirlər ki, Yerin səthində baş verən dəyişiklikləri izləmək üçün nəzərdə tutulan "Landsat 9” peyki gölün qəfil yox olmasını misilsiz detallarla sənədləşdirməyə imkan verib.
Qeyd olunur ki, La Ruj gölünün quruması, landşaftların nə qədər sürətlə dəyişə biləcəyinə dair aydın bir nümunədir.
Nəşrin açıqlamasına görə, bəzi tədqiqatçılar gölün dibinin çökməsinə meşə yanğınları, güclü yağışlar və ya qarın əriməsi kimi amillərin səbəb ola biləcəyini düşünürlər. 2019 və 2023-cü illərdə bölgədə baş vermiş meşə yanğınlarının torpaq strukturunu zəiflədərək onun qəfil dağılmasına şərait yaratmış olması ehtimal edilir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər