Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Hər il 338 söz daha az danışırıq: Səssizləşmənin səbəbi nədir:
Günə başlayarkən çörəkçiyə verilən qısa salam və ya axşam yeməyində paylaşılan kiçik bir hekayə… Bunların hamısı fərq edilmədən həyatımızdan çəkilib gedir. Müasir həyat sürəti artırsa da, ən əsas xüsusiyyətlərimizdən biri olan "danışmaq” bacarığı da səssiz şəkildə azalır.
Qaynarinfo xəbər verir ki, Arizona və Missouri-Kanzas Siti universitetlərində çalışan iki psixoloqun apardığı araşdırma cəmiyyətin getdikcə "səssizləşdiyini” göstərir. Nəticələrə görə, hər il orta hesabla 338 söz istifadədən çıxır.
Səssizləşmənin əsas səbəbi
Araşdırmaya görə bu prosesin əsas səbəbi rəqəmsallaşma və smart cihazların gündəlik həyata hakim olmasıdır. İnsanlar artıq zəng etmək və ya üz-üzə danışmaq əvəzinə tətbiqlərdən istifadə edir, marketdə kassir ilə ünsiyyət qurmaq yerinə özünəxidmət sistemlərini seçir.
Bu yanaşma vaxt qazandırsa da, insan-insan arasındakı kiçik sosial əlaqələri zəiflədir. 2005-ci ildə bir insan gündə orta hesabla 16 min söz istifadə edirdisə, 2019-cu ildə bu rəqəm 12 min 700-ə düşüb. Bu da sosial ünsiyyətin təxminən 28 faiz azalması deməkdir.
Gənclər daha sürətlə susur
Araşdırmanın diqqət çəkən hissəsi gənclərlə bağlıdır. 25 yaşdan aşağı insanlar hər il orta hesabla 452 söz itirir və bu qrup "rəqəmsal səssizləşmə” prosesinin ən sürətli hissəsini təşkil edir. Böyüklərdə isə bu göstərici 314 söz civarındadır.
Mütəxəssislər yazışma əsaslı ünsiyyətin danışıq dilinin emosional çalarını tam əvəz etmədiyini bildirir. Səs tonu, vurğu və spontan reaksiyalar mesajlaşma mühitində itir.
Sosial nəticələr barədə xəbərdarlıq
Psixoloqlar bu tendensiyanın sosial təcridi gücləndirdiyini qeyd edir. Klaviatura üzərindən qurulan yeni ünsiyyət forması rahat görünür, lakin emosional yaxınlığı zəiflədir.
Mütəxəssislərə görə bu proses xüsusilə Qərb və fərdiyyətçi cəmiyyətlərdə daha qabarıq görünür. Bununla belə, bu dəyişiklik qlobal xarakter daşıyır.
Araşdırmanın yekununda vurğulanır ki, müasir dövrün ən böyük problemlərindən biri sayılan tənhalığa qarşı ən sadə mübarizə vasitələrindən biri gündəlik həyatda əlavə edilən kiçik söhbətlər və təxminən 300 əlavə sözdür.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər